Hasteko, esan beharra dago txalotzekoa izan dela jokalariek guganako izan duten jarrera, lehenengo egunetik jaso baitugu beraien babesa eta oso erraza egin zaigu bertan integratzea.
Denboraldia ez zen hasi guk nahi genuen moduan baina garaipena iritsiko zenaren esperantza tinko genuen. Partiduak aurrera joan heinean taldearen hobekuntza nabaria zen baina emaitzak ez zuten laguntzen, zorte txarra tarteko.
Denboraldia bukatuta, emaitzen aldetik ez dago balorazio onik egiterik, baina pasa ditugun momentu onekin geratzen gara, bai entrenamendu, partidu eta, zer esanik ez, taldeko afarietan.
Deskantsatzeko unea iritsi da eta amaiera on bat emateko klubeko birarekin ospatuko dugu. Aupa Orixe!
Joan zaigu denboraldia, ziztu bizian pasa ere. Iñaki Lopetegi entrenatzaile ohiak egindako lan bikainari jarraipena ematea zen gure helburua eta izugarrizko gogo eta ilusioarekin ekin genion Orixeko nesken areto futbol taldeko etapa berri honi.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!