Orduak ez zuela asko lagundu esan behar da. 22:30ean izanik, batzuk afaldu gabe eta beste batzuk afaldu berri agertu baikinen. Baina, partidako hirurogei minutuak agortu zirenean, inoiz baino harroago sentitu ginen denok.
Hasieratik lortu nahi genituen sentsazio on horiek lortu ziren. Izan ere, partida uneoro oso berdindua egon zela azpimarratu behar da. Aukerak hemen, aukerak han… baina baloia ezin sartu. Gure ustez, zortea kontran dugula bada ere, azkenean golak iritsiko direlakoan gaude.
Emaitza aldekoa izan ez bazen ere, entrenatzaileak ondo adierazi bezala, partida oso ona egin genuen. Denboraldian izandako partida hoberena izan zen ziurrenik. Gainera, bertara gerturatu zen afizioak asko lagundu zuen, giroa alaitu baitzuen.
Garaipena luzatzen ari bada ere, Orixeko jokalariak fedea izaten jarraitzen dugu. Agian, gelditzen diren azken partida horietan aurkituko ditugu merezi ditugun puntu horiek.
![[Aulkitik] Iritsiko da garaipena](https://ataria.tok-md.com/argazkiak/JCn/Eider_Arruabarrena_moztuta.jpeg)
Liga bukatu eta berria hastea tokatzen zen. Aurreko partidan izandako sentsazio gaziak hobetu behar genituen, eta horretarako, Anoeta FT-ren aurka gure futbol hoberena ematen saiatu behar genuen.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!