Villabonako Oinkari dantza taldeak 2016-2017 ikasturterako izen-ematearen deialdia egin du. Uztailaren 31ra bitartean egongo da izena eman eta matrikula ordaintzeko aukera. Aurtengoan, hainbat bidetatik egin ahal izango da izen-ematea; era batera edo bestera, ordea, ondorengo datu hauek bete beharko dira: dantzariaren izena, bi abizenak, jaioteguna, telefonoa, helbidea, herria eta sexua.
Datu horiek behar bezala adierazita, harremanak@oinkari.eus helbidera bidali daitezke. Bestela, goizez 09:00etatik 12:00etara 660 13 93 80 telefono zenbakira deituta egin daiteke izen ematea, edo zenbaki horretara bertara WhatsApp mezu bat bidalita. Txermingo ikastolako ganbaran bulegoa ireki du OInkarik eta ostiraletan, 19:00etatik 20:30ra bertara gerturatuz ere apuntatu liteke ikastaroetan.
Izen-ematearekin batera, transferentzia bidez, 20 euroko matrikula ordaindu beharko da. Tarifa, ordutegien eta matrikulazioaren inguruko informazio zabalagoa dago www.oinkari.eus web gunean, ikastaroak atalean klikatuta.