Harrigarria da horrelako egun batek herrian zer giro sortzen duen ikustea eta baita, herritarrek egun guztian zehar zenbat lan egiten duten ikustea ere.
Beste herrietan ez dakit nola funtzionatzen duen horrelako egun batek, gurean, kuadrilla ezberdinetako kideek batzorde bat osatzen dute egunean zehar arazorik izan ez dadin. Ardura guztiak kuadrillen artean banatzen dira: bazkaria prestatu, zerbitzatu, txupinazoa egin, jokoak antolatu… guztiek izaten dute zereginen bat. Zero zabor filosofiarekin ere bat egiten du egun honek eta azkeneko urte hauetan norberak etxetik eramaten ditu bere platera eta edalontziak, pentsa, 350 lagun inguru izaten gara.
Irudimena eta umorea nagusi izaten diren egun honetan, goizeko 10:00etan emango diogu hasiera egunari kuadrillen arteko batel lehiaketarekin eta goizaldeko ordu txikiak arte pike berdinarekin jarraituko dugu. Bazkaldu eta afaldu, jokoetan parte hartu, elektrotxarangarekin gozatu eta Dj Bullen dantzaldi amaigabean barneratu nahi duen edozeinek gonbita luzatua dauka, ongi etorri eta disfrutatu!
Bihar Kuadrilla Eguna da gure herrian, egun handia. Festak datorren astean hasten badira ere kolorez jantziko da bihar herria.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!