Besteak, sarri feministen aldarriekin deseroso sentitzen garela eta benetako eztabaidari heldu beharrean eztabaida antzuetan nahita galtzen garela erantzun zion. Mozkorraren adibidea jarri zigun: mozkorra ardo gehiegi edateak dituen ondorio kaltegarriak azaltzen ari denean, bai baina zuk ere edan egiten duzu erantzutearen parekoa zela alegia, edaleak esandakoari argudioz erantzun ezin diogulako.
Eta galderak egiten hasi zitzaigun: zergatik ikusi behar ditugu ostiral gauero gizonezkoak pilotan? Zuetako inork bitan pentsatu al du goizeko 05:00etan Tolosatik herrira oinez bakarrik bueltatzeko? Zergatik kezkatzen da emakume bat bere lanpostuarekin haurdun geratu nahi duen aldiro?...
Argi geratu zen albokoaren lekuan jartzeko zailtasunak ditugula eta gerora ere gauzak ez direla izugarri aldatuko, ez behintzat gure borondatez.
Gure amonak sarri esaten duen esaldia etorri zitzaidan burura: lagundu behar ez baduk enbarazurik ez egin!
Lehengoan, lagun artean, kontu kontari ari ginela, azken aldian feminismoak hartu duen indarra izan genuen hizpide. Batek, parekidetasunaren inguruan asko aurreratu dela eta gaur egungo emakumeek ez dutela lehenagokoak hainbeste sufritzen azpimarratu zuen. Eta gaineratu zuen, beraien burua feministatzat zuten haiek zirela ongien bizi direnak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!