Ekintza ezagunenak maiatzaren 1ean multinazionalen aurka eta aurreko astean emakumeei sarrera debekatzen dien elkarteen aurka egindako pintaketak izan dira.
Lehenengoak ez zuen haize asko harrotu. Multinazionalei egiten dizkien pintadek ez digute guri eragiten eta gainera, guztiok dakigu multinazionalak zein gaiztoak diren. Baina zenbait elkartetan egindako pintaketan hautsak harrotu dituzte. Bai, bai, pintaketak egokiak diren ala ez eztabaidatzen ari gara, hizpidea elkarteek emakumeekiko duten jarrerak behar lukeenean.
Pribilegioen inguruan ari gara. Hau ez da elkarte baten edo bestearen kontua (bueno bai, hori ere bada), gizonok gune ezberdinetan gizon jaiotzeagatik ditugun pribilegioez ari gara eta horiei muzin egiteko dugun borondateaz. Sanchez Gordillok dioen bezala: «dena da politika eta dena da aukera. Neutroa izatea konplize izatea da».
Ez daukanak ongi daki edukitzea zein den ona eta sukaldean lanean aritu edo ez aritu erabakitzeak ez luke pribilegioa izan behar aukera behar luke.
Azken hilabete honetan Tolosako gazteek ekintza ugari egin dituzte gai ezberdinak mahai gainera ateratzeko.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!