Gaur izango da lehen emanaldia. 20:15ean, musika eskolako hainbat taldek kontzertua emango dute, areto nagusian.
Egurrezko instrumentuen taldea izango da lehena; ondoren, metalezko taldeak hiru kantu eskainiko ditu; metalezko zazpikote batek jarraituko dio, bi abestirekin; eta amaitzeko, guztiak batuko dira, Goiko Mendietan eta Mesias Sarritan gabon kantak jotzeko.
Hurrengo astean, asteazkenean, hilak 19, ikasleen kontzertua izango da Musika Eskolako aretoan, 19:00etan. Hurrengo egunean Uzturre egoitzan emango dute emanaldia, 17:30etik aurrera. Eta ostiralean, Musika janariaren truke elkartasun kontzertuarekin itxiko dute egitaraua, Topic zentroan, 18:30ean.