Tolosako Eduardo Mocoroa Udal Musika Eskolako 2014-2015 ikasturteko klaseak irailaren 8an hasiko dira. Oraindik plazak daude, beraz, interesa duen orok matrikula egitea posible du oraindik.
Lau mailatan banatutako kurtsoak eskaintzen ditu:
Lehen zikloa: 4, 5 eta 6 urteko umeentzat: jolasak, kantuak, entzumena eta erritmoa.
Aurrehasiera: 7 urtetik aurrera: musika irakurri eta instrumentuak ezagutu.
Bigarren zikloa: 8 urtetik aurrera: instrumentua, musika hizkuntza, taldeak edo korua.
Helduak: 18 urtetik aurrera: musika hizkuntza, instrumentua, taldeak.
Interesatuek, ostiralera arte izango dute aukera, musika eskolako bulegoan, 10:00etatik 13:30era bitarteko ordutegian. Informazio gehiagorako, 943651593 telefonora dei daiteke.