Dakizuen bezala, gaur, hilak 22, Xexili Eguna ospatzen ari gara, Musikarion Eguna. Ohitura bihurtu den bezala, Tolosako Udal Musika Banda kalez kale ibiliko da.
Kalejira 19:30ean abiatuko dugu Gorriti Plazatik, eta dozena bat kantu eskainiko ditugu, kalejiran eta Alde Zaharreko hainbat txokotan.
Horrez gain, igandean, Leidor aretoan kontzertua eskainiko dugu 12:00etatik aurrera, Tolosako Udal Txistulari Bandarekin, Isidro Larrañaga Akordeoi Orkestrarekin eta Giro Arte Dultzaina taldearekin batera.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
