Tolosako musika bandaren eta Tolosa kantariren kontzertua izango da larunbatean

Erabiltzailearen aurpegia Tolosako Musika Banda 2016ko ira. 20a, 18:26
Tolosako Musika Bandaren kontzertua, San Joan jaietan.

Larunbata honetan, irailak 24, tolosarrok ekintza berezi batez gozatzeko aukera paregabea izango dugu Tolosako Alde Zaharrean. Tolosako Musika Banda eta Tolosa kantariko kideek emanaldi polit bat eskainiko dugu elkarrekin; 12:30ean izango da, udaletxe aurrean.

Bertan euskal kantutegiko hainbat abesti jo eta kantatuko ditugu elkarrekin eta herritar guztiak gonbidatu nahi ditugu bertan parte hartzera.

Horretarako, ostegun honetan, irailak 22, entsaio bat egingo dugu iluntzeko 20:30etan musika eskolan. Entsaiora joan ezin duenak ere parte har dezake larunbateko emanaldian. Izan ere, abesti ezagunak kantatuko ditugu: Aitorren hizkuntz zaharra, Xalbadorren heriotzean, Ikusi mendizaleak, Maitiak galdegin zautan, Baserritarrak,... Guztira 10-12 abesti inguru izango dira, eta egunean bertan abestien letrak banatuko dizkiegu entzuleei.

Ekintza honen aurretik, talde bakoitzak kalejira bat egingo du Alde Zaharrean, 12:00etan. Tolosa kantarikoak Tonto kalen elkartuko dira 12:00etan eta betiko ibilbidea egingo dute Plaza Zaharrerra iritsi arte.

Tolosako musika banda 12:00etan irtengo da Plaza Zaharretik eta alde zaharrean buelta txiki bat eman ondoren, Tolosa kantarikoekin elkartuko dira Plaza zaharrean, 12:30etan emanaldiari hasiera emateko.

Denak gonbidatuta zaudete parte hartzera! Etorri denak Plaza zaharrera eta kantatu gurekin, giro aparta sortuko dugu-eta! 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!