Kontzertuan, Peña Mutilzarra pasodoblea, J.M. Usandizagaren Bitz, Olenzaro eguberritako zortzikoa, M. Schneideren A Christmas Rock Festival, Vizcaytik-Bizkaira obertura, T. Aragüesen Ator, ator eta L.M. Mansoren Entre el Galindo y el Cadagua eskainiko ditu, Enrike Arostegiren zuzendaritzapean.
Arratsaldean, Olentzeroren etorrerarekin batera, kalejira egingo du bandak alde zaharrean. 19:45ean Gorriti plazatik aterako da banda, eta handik Plaza Zaharrera joango da. Bertan, ohikoak diren Olenzaro eta Mesias Sarritan kantuak entzuteko aukera izango da, abesbatzek lagunduta.
Handik Plaza Berrira abiatuko da banda, eta bertan amaituko du kalejira.