Igandean kontzertua emango dute Tolosako Udal Txistulari Bandak eta Tolosako Musika Bandak Iurreamendi egoitzan, 11:30etatik aurrera.
Inauterietako kantu tradizionalez gain, hainbat elkarteetako kantuak entzun ahal izango dira, hala nola, Itun-Txulo, Ero-Etxe, Peña Union edo Arco-Iris elkarteko Tolosarrak.
Inauterietako pregoi kontzertua, berriz, datorren igandean, hilak 8, izango da Berdura Plazan. Era berean, bertan jotzeko dei egiten die bandak kide ohiei. Datorren otsailaren 3an eta 5ean, arratsaldeko 20:30ean Eduardo Mokoroa Musika Eskolan egingo diren entseguetara etortzea eskatzen zaie.
Gora Inauteriak! Gora Tolosa!
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
