Jarrera. Hitz bakar batez definitu beharko banu asteburuko partida, hitz horrekin izango litzateke.
Zarautzen aurkako partida jadanik bagenekien ez zela ligako errazenetarikoa izango. Eguraldiak lagunduta, agian, beroketari ekin genion barre artean, jarrera eta giro ona nabarmen zirelarik taldekoen artean.
Partidaren lehen zatian jokoa nahiko berdinduta zegoen, baina, korner eta area ertzeko falta baten ondorioz, bi gol sartu zizkiguten zarauztarrek.
Bigarren zatian, ordea, taldearen jarrera nabarmenki aldatu zen, eta, 18.minutuan, Izaro Goenagak 1-2koa lortu zuen; zerutik eroria eta zerurantz dedikatutako gola. Sei minutu beranduago Mar-ek partida berdindu zuenean argi ikusi genuen puntu horri eutsi behar geniola. Hala ere, taldea ederki ari zen jokatzen arriskuzko jokaldiak sortuz, eta partida amaitzear zela, Alaznek etxean hiru puntuak uztea lortu zuen.
3-2. Esan dut, dena jarrera kontua da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!