Era guztietako mozorroak eta mozorrotuak topatu ditut: bere mozorroa prestatzen ia urte erdi pasa duen tolosarra, aurreko egunean Amarozko txinoetan sarraskia egin duena, urtero mozorro berdinarekin baina txinazo kopuru desberdinarekin dabilena…
Baina aurtengoan, aspalditik atentzioa deitzen zidan beste fenomeno bitxi batengan jarri dut arreta: bular parean bi puxika handi puztu, beraien alde femeninoa atera eta, egun batez emakume bihurtzen diren gizonezkoengan. Hauei berdin zaie soinean zer nolako arropa daramaten: arrebaren armairuan topatu duten arropa, amonaren etxeko bata handia, erizain edo moja sexy-en mozorroa… berdin dio! Gauza da puxika ahalik eta gehien puztu eta bi bular perfektu irudikatzea. Benetan kuriosoa izan da ikustea, zer nolako irribarrea ateratzen zitzaien urtebetean ikusi gabeko lagunak puxikazko bularrak estutuaz agurtzen zituenean.
Hau ikusita, hurrengo urteari begira mozorro hau buruan bueltaka dabilkizuenoi, proposamen bat luzatu nahi dizuet hemendik: bularren mundu anitza miatu eta saiatu bular desberdinak irudikatzen. Inon ez da, sortzez, hain bular perfektuak dituen emakumerik; ezta bi bularrak berdinak dituenik ere. Egin ohore amonaren etxeko bata azpian gordeak izaten diren bular eroriei; edota, neska bular txikiei; edota, diferentziaz, bular bat bestea baino handiagoa duenari; edota, bular arteko erretena handia duenari… ez utzi inor aparte!
Hurrengo urtean ere zuen zain izango naiz.
Puxikazko bularrak
2017ko mar. 5a, 20:04
Pasa berri ditugun inauteri hauetan, parranda egiteaz aparte, mozorroak eta mozorrotuak aztertzen pasa dut denbora. Batzuei alferrikako denbora-pasa irudituko zaizue baina oso interesgarria izan da (pare bat zerbeza edanda interesgarriagoa gainera).
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!