Leitzan, Zumaian eta Bermeoko Turismo bulegoetan, landetxeetan eta ostatuetan bisitariek 727 inkesta erantzun dituzte. Lagin horretatik ondorio argigarriak jaso dira, herri horietako hainbat lekutan erderak nabarmentzeko eta euskara ezkutatzeko sumatzen den joera auzitan jartzen dutenak:
Bisitarien %95ek adierazi du ez duela inolako arazorik izan euskararekin. %85ek, berriz, eskertu egin dute eta ondo moldatu dira euskara hutsezko errotuloekin eta gehienek, euskara ikustea, entzutea eta turismo eskaintzan nabarmentzea gustura hartu dute. Are gehiago, %31arentzat euskara faktore bereizgarria da eta berau hobetsi egin dute bidaia antolatzerakoan.
Ondorioz, turismoaren izenean gure hizkuntza ezkutatzeak ez du zentzurik, ez bizikidetzari begira, ez eta negozioaren ikuspegitik ere. Logika osoa du, beraz, Altzon egin dutenak: Altzoko Erraldoiaren inguruan jarritako panelak euskara hutsean ipini dituzte eta itzulpenak 4 hizkuntzatan jaso ahal dira QR kode baten bidez.
UEMAk bultzatuta, ikerketa bat egin berri da, lurgune euskaldunean tuistek euskararekiko duten pertzepzioa aztertzeko.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!