Batzarraren bigarren zatian Lorea Agirreren hitzaldiaz gozatzeko parada izan genuen. Euskara eta generoaren arteko elkarguneen artean jardun zuen, edota subaltenitateen arteko gurutzaketez. Izan ere, euskarak zer leku eman digu munduan egoteko? Bere tesiaren arabera beste zapalkuntzen inguruko begirunea eman beharko liguke euskaldun izateak, jatorri, genero edota klase zapalkuntzekiko ahizpatasuna aldarrikatuz.
Kontuan izan behar dugu, hiztun moduan zapaldu garen aldi berean zapaltzaile izan gaitezkeela. Botereak goitik beherako logika du baina sare baten moduan ere funtzionatzen du, “berdinen” arteko zapalkuntza ahalbidetuz. Feminismoak lortu du zapalkuntzen arteko gurutzaketen inguruan teorizatzea. Feminismoak subalternitate guztiak batzen ditu pentsamendu praktiko baten bueltan, desberdintasun sozial guztiak amaitzeko helburuan.
Beraz; izan gaitezke euskaltzale feminista izan gabe? Edota, izan gaitezke feminista euskaltzale izan gabe?
