17:30ak heldu ziren eta partida hasteko irrikitan eta futbolaz gozatzeko gogoz geunden. Hasi eta berehala, Zuriñek izugarrizko gola sartu zuen. Atsedenaldira iritsi aurretik Saioak beste gol bat sartu zuen, beraz, 2-0koarekin joan ginen aldageletara.
Gol gehiagoren beharra genuen joko garbi eta lasaiagoa egiteko. Bigarren zatian Bengoren gola iritsi zenean lasaitasun handia eman zigun. Erlaxatu gabe aurrera segi genuen eta berehala Maddik sartu zuen laugarrena. Amaitzeko Maria Herrerok penaltiz lortu zuen azkena. 5-0 bukatu zen partida. Arratsaldeari amaiera ezin hobea emateko, Gozonakoek emandako pastel goxoekin argazki bat atera genuen eta ondoren aldageletara jaitsi eta Ohianak eta Patrik ekarritako pasta goxoak jan genituen.
Oso pozik gaude, izan ere, partidarik galdu ez dugun talde bakarra gara eta horrela jarraitu behar dugu, lanean, gogor entrenatzen, ondo jokatzen eta erlaxatu gabe.
Aste gogorra dugu oraingoan, asteazkenean Arrasaten Arizmendi dugu aurkari eta larunbatean Berazubin Derio, 16:30ean. Partida oso zailak izango dira, baina betiko lana eginez, aurrera ateratzen saiatuko gara.
[Aulkitik] Bi partidako astea
2017ko aza. 1a, 10:54
Arratsaldean genuenez Lakuaren aurkako partida, Usabalen 16:00etan geratu ginen. Partida zaila eta oso garrantzitsua zela bagenekien, baina denak motibazioz eta ilusioz geunden, beste aurrerapauso bat emateko gogo handiz. Beroketak, beti bezala, konzentratuta eta seriotasunez egin genituen.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!