Bertara iritsi eta sumatu nuen bazela irabazteko gogoa eta motibazioa taldekideen artean; beroketan intentsitatea eta partidan indarra erakutsi zituen taldeak. Ez zen nahikoa izan, une erabakigarrienean zarauztarrek hortzak estutu zituztenean, ezin izan baikenion markagailuari eutsi.
Hala ere, aipagarria da azken minutura arte saiatu ginela, bai kantxan eta baita aulkian ere, puntu eta saskiratze politak lortzen. Azken emaitza 36-25ekoa izan zen zarauztarren alde.
Hasi gara olatu onak hartu nahian, baina, badakigu ez da beti posible izaten itsasoan saio ona egitea. Tresnak baditugu eta gogoa ere badaukagu; horregatik diot ez ditugula besoak jaitsi behar; elkarrekin lanean eta elkarrekin partida bakoitza hil hala bizikoa balitz bezala jokatuz jarraitu behar dugula, gure buruak bezain gogorra eta sendoa den taldea osatu arte.
Eutsi goiari neskak!