Norgehiagoka hasi bezain laster gure jokoa egin genuen, baina aukerak sortzea kosta zitzaigun. 30. minutura arte ez zen iritsi lehen gola, Maddi Garikanoren eskutik; segidan, Izarne eta Leire “pitxitxiaren” beste bi. Bigarren zatian gauzak ez ziren asko aldatu; baloiarekin segi genuen, eta beraiek gol bat sartzea lortu zuten arren, laugarrena sartzeko zortea izan nuen. Bukaeran iritsi zen 5-1ekoa, Ainhoa Bengoetxearen erremate batekin.
Helburu nagusia bete genuen, talde osoaren lanarekin partida irabazi eta ondoren afaltzera joan ginen garaipena ospatzeko. Hurrengo asteburuan Barakaldora bidaiatu eta lehenengo postuetan jarraitzeko beste garaipen bat bilatuko dugu.