Larunbatean egindako batzarrean kooperatiba sortzeko pausoa ematea erabaki genuen. Hori horrela, Lurtaro kooperatiba sortzeko eratze batzarra egingo dugu abenduaren 17an.
Lurtaro elkartea osatzen dugun lagunok hiru urte luzeko ibilbidea egin dugu, eta uste dugu proiektua zabaltzeko garaia dela, kolektiboki egin behar dugulako bide hau. Honako lan taldeak sortu ditugu: ekoizpena, kontsumoa, komunikazioa, diru zaintza eta estatutuen lanketa. Lan talde horietako batean parte hartuko bazenu, jakinaraz iezaguzu lurtaro@komunikazioa.eus helbidera idatzita.
Argi dugu norabidea, baina bide luzea daukagu egiteko. Egin zaitez bazkide!