Lurtaro Tolosaldean elikadura burujabetza eta agroekologia bultzatu nahi dituen elkartea da. Horretarako, proiektu zehatz eta praktikoak jarri nahi ditugu martxan, eta dagoeneko lehenengo proiektuan buru-belarri ari gara lanean: kontsumoa eta ekoizpena antolatuko dituen kooperatiba.
Lurtaro kooperatibaren lehen erronka denda kooperatiboa sortzea da. Eskualdearen kontsumo beharrei ekoizpen antolatuaren bidez erantzuteko biltegia eta denda fisikoa jarriko ditugu martxan. Ekoizleek, langileek, kooperatibistek eta kolaboratzaileek osatuko dugu kooperatiba.
Hori egia bihurtzeko 300 bazkide laguntzaile behar ditugu. Egin zaitez bazkide www.lurtaro.eus/atxikitu webgunean Lurtaro ernaldu dadin.
Edozein zalantza edo iradokizun izanez gero, jar zaitez lasai harremanetan lurtaro@komunikazioa.eus helbidera idatzita.