Entseguak egingo dira otsailaren 20an, Anoetako auditorian 19:00etan, eta Irurako musika eskolan, ordu berean, 19:00etan. Otsailaren 21ean, 18:00etan, Ibarrako plazan egingo dute kaldererotako entsegua.
Otsailaren 22an, Loatzo musika eskolak Kaldererotako kalejirak egingo ditu hiru herrietan. Anoetan eta Ibarran, plazatik abiatuko dira 18:30ean eta Iruran, berriz, ordu berean, musika eskolatik.
Ikasleekin Kataluniara
Otsailaren 14tik 17ra, Kataluniako Vilafranca del Penedera joango dira bertako musika eskolak gonbidatuta. Elkar truke bat egingo dute, eta gero maiatzean, Kataluniatik etorriko dira ikasleak Loatzo musika eskolakoek gonbidatuta.
Egitarauaren barruan, bi musika eskoletako ikasleek kontzertua eskainiko dute elkarrekin. Otsailaren 16an, larunbata, 19:00etan izango da Cal Bolet antzokian.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
