Loatzo musika eskolak matrikulazio epea zabaldu du

Erabiltzailearen aurpegia Loatzo Musika Eskola 2017ko mai. 8a, 12:55

Musika bizi eta gozatu lelopean 2017-2018 ikasturterako matrikulazio kanpaina zabaldu du Loatzo Musika eskolak. Aduna, Alegia, Altzo, Anoeta, Ibarra, Irura, Amasa-Villabona eta Zizurkilgo ikasleek izena eman ahalko dute ostirala arte.

Lau eta zazpi urte bitarteko umeentzat tailerrak egongo dira, musikaz gozatzeko, jolas, dantza eta kantuak landuko dituzte.

8 urtetik aurrerakoak musika tresnak aukeratu ahal izango dituzte: klarinetea, zeharkako flauta, trikitixa, txistua, dultzaina, gitarra, pianoa, tronpeta, gitarra elektrikoa, bonbardinoa, tronboia, saxofoia, eskusoinua, biolina, biolontxeloa, perkusioa, kantua eta baxua.

Helduentzako aukera "paregabea" egongo da eta instrumentu aukera "ezin hobea", musika eskolatik aipatu dutenez.

Izen emateak Loatzo musika eskolako bulego orokorretan egin beharko dira, 943 69 26 19 telefonora deituta edota bestela, loatzo@loatzo.eus helbidera idatzita.

kultura Aduna Alegia Altzo Amasa-Villabona Anoeta Ibarra Irura Zizurkil

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!