Loatzo Musika Eskolako ikasle eta irakasleak Vilafranca del Penedes-eko Musika Eskolarekin egiten ari garen bigarren zatia egitera goaz ostegun honetatik igandera bitarte.
Guztira 81 lagun joango gara, eta bertako institutuetan emanaldiak eskainiko ditugu. Ostiral arratsaldean, kontzertu bat eskainiko dugu, eta larunbatean Sitges ezagutu eta arratsaldean herriko plaza nagusian emanaldia eskainiko ditugu. Bertako aterpetxe batean eta hango ikasleen etxeetan hartuko dugu ostatu, denak ez baikara aterpetxean sartzen.
Trikitixa, dultzaina, eskusoinu, txistu, biolin, talde instrumental eta Bandarekin goaz gure Musika Kultura erakutsi eta beraienarekin elkartzera.