Bi taldeak lan txukuna eginez datoz derbira. Laskoraindarrak lidergoa eskuratu zuten azken jardunaldian eta Tolosalakoak denboraldi txukuna egiten ari dira, sailkapenaren erdiko postuetan erosotasunez instalaturik.
Baina derbi bat beti da derbi bat eta bi taldeak garaipenaren bila joango dira, ziur.
Gogorarazi nahi dizuegu COVID neurriek indarrean jarraitzen dutela eta DERRIGORREZKOA dela arau hauek betetzea.
Harmailetan jendea izango da neurriok kontrolatzen eta birritan betetzen ez dituenari harmailak uzteko gonbita egingo zaio. Hortaz, arauak ez betetzeko asmoarekin bazatoz, mesedez etxean geratu.
28 kanaletik zuzenean jarraitzeko aukera izango duzue.