Gure etorkizunaren parte izan nahi?

Erabiltzailearen aurpegia

Datorren denboraldira begira eskualdeko gaztetxoei kirol elkarteko parte izateko aukera ematen jarraitzen du Laskorainek. Jubenil, kadete eta infantil mailetan jokatzeko izen-emate epea zabalik.

Laskorain Kirol Elkartea harrobia sendotzeko lanean darrai. Hurrengo denboraldiari begira, eskola kirolean egiten den lanari jarraipena eman eta lehen talderainoko bidea errotu eta sendotu nahi ditu. Horretarako, datorren 2020/2021 denboraldira begira hurrengo taldeentzako izen-emate epea zabalik du.

Lehen taldeko jokalarien gidaritzapean, harrobiko talde ezberdinek areto futbolean dituzten ezagutza eta gaitasunak garatzeko aukera izango dute. Izen emateak hurrengo taldeentzat daude zabalik:

-          Jubenil maila (2002 eta 2004 artean jaiotakoak)

-          Kadete maila (2005 eta 2006an jaiotakoak)

-          Infantilak (2007 eta 2008an jaiotakoak)

Izena emateko, laskorainke@gmail.com helbidera idatzi edo sare sozialen bitartez. Edozein zalantza izan ezkero, helbide berdinean argitu ditzakezue.

Sare sozialak: @laskorainke

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!