Iritsi da derbia Usabalen bizitzeko eguna, eta Laskorain Kirol Elkartetik gonbita luzatzen dizuegu partidara bertaratzeko. Etor zaitezte zuen kamiseta, bufanda, txapel horiez jantzita eta bildu itzazue indarrak partiduan zehar etxekoak animatzeko. Zahar, heldu, gazte, ume... guztiok izango zarete ongietorriak MAREA HORIAN. Festa ahalik eta borobilena izan dadin, Usabal leporaino bete nahi dugu. Horretaz gain, zozketa bereziak izango ditugu atsedenaldian.
Ibarran berdinketa lortu genuen joaneko partiduan eta lehenengo itzuli on bat egin ondoren emaitzek ez gaituzte lagundu bigarren itzuli honen hasieran, nahiz eta mutilek lan ona egin duten momentu askotan. Lauburu aldiz, berriro ere martxa hartuta dabilela dirudi bi emaitza positiborekin, baina derbia beste gauza bat da. Horitxoak zaletuei garaipena oparitzeko irrikaz daude.
Bihar ikusiko dugu elkar! AUPA LASKORAIN!
Larunbatean 18:30tan Tolosaldeako derbia jokatuko da Usabalen.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!