Partidua zalantza askorekin hasi zuten bi taldeek, baina Tafallakoak izan ziren aurrenak lehenengo gola sartzerako garaian kontraeraso baten bitartez eta ondoren estrategia bitartez (0-2). Hala ere, talde horiak ez zuen lehiatzez utzi eta Beñat Ugartemendiaren gol bati esker aldea murriztu zen markagailuan lehen zatia amaitzear zegoela. Lehenengo zatia aukeraz beteta egon zen bi taldeen eskutik, zati ikusgarri bat eskainiz.
Bigarren zatia aurrenekoaren antzera joan zen. Laskorainek erasoan gogor jardun zuen, Tafatransek beraien aukera itxoiten zuten bitartean kontraerasoan irteteko. Horietako jokaldi batean, hirugarren gola sartu zuten Narciso Pavoren jokalarien baloi galdu bat aprobetxatuz. Partidua aurrera zijoan eta tolosarrek, etsi gabe, markagailuan tartea murriztu zuten baloi bat berreskuratu eta kontraerasoan Haritz Zabalak gola sartuz (2-3). Gol baten tartearekin Laskorainek ez zuen bosteko jokoarekin asmatu eta laugarren gola sartu zuten Tafallakoek. Partidua bukatzear zegoela, talde horiak tartea murriztu zuen Eñaut Vazquezen golari esker. Erdiko sakea egin bezain laister amaitu zen norgehiagoka, 3-4 emaitzarekin .
Partidu lehiatua eta parekatsua izan zen larunbatekoa, non akatsak gogor ordaindu zituzten tolosarrek. Lan egitea besterik ez da geratzen.
Hasierako bostekoa: Aitor Narvarte (P), Mikel Juaristi, Iker Gabarain, Iker Manso eta Eñaut Vazquez.
Asier Mujika, Jonander Cuadrado, Xabi Arranz, Odei Gartziarena (P), Josu Iturralde, Haritz Zabala eta Beñat Ugartemendiak ere jokatu zuten.
Argazkia: CoGAFS