Lehen zatian etxekoek izan dute baloia, baina tolosarren defentsa tinkoari esker ez dute aukera argirik sortu Koldoren atearen aurrean. Halako batean, Beñat kapitainaren pase zoragarri baten bitartez 0-1koa ezarri du Gabak kontrol orientatu bati esker. Minutu batzuk beranduago, tolosarrek beraien kantxan lapurtutako baloi bati esker kontra erasoan atera dira eta Kattaren gol ikusgarri baten bitartez 0-2 ezarri dute.
Bigarren zatiari dagokionez, Sala Quintoko jokalariek intentsitate maila handitu dute; aldaketa honi aurre egiteko, Narciso Pavoren mutilek astean zehar landutako defentsa lanaren erakustaldia eman dute. Baloia etxekoen kontrolpean egon arren, tolosarrak eroso ibili dira beraien kantxan defentsan.
7 minuturen faltan Paulek hegalean eginiko jokaldi on baten bitartez Vazquezek bigarren zutoinean aprobetxatu du 0-3 ezartzeko. Gol honen ondoren, Quintotarrek atezain jokalaria atera dute baina beste behin tolosarren defentsa nagusitu da.
Aipatzekoa horitxoek eginiko defentsa lana.