Denboraldiko partida garrantzitsuena jokatuko du Laskorainek (Lar. 16:00, Usabal). Egindako lan guztia partida honekin errematatu nahi dute ikastolakoek, liga etxean irabazteko.
Horregatik, klubak harmailak bete nahi ditu hainbat neurri bultzatuz. Hasteko, neurketa hasi aurretik kamiseta horia oparituko zaie bertaratzen diren zaletuei Usabal festa bat izan dadin.
Honetaz gaiz, ekintza bereziak egongo dira. Saski eder baten zozketa eta gaztetxoenentzako jolasak egingo dira atsedenaldian, eta partidaren amaieran argazkia ateratzeko aukera izango da taldearekin.
Guraso, lagun eta zaletuei deialdia luzatzen dizuegu, zuen berotasuna ezinbestekoa izango da helburua lortzeko. Ligako txapeldun izatea.
Animatu, bertaratu zaitezte eta aupa Laskorain!
Denboraldiko norgehiagoka garrantzitsuenarekin zita izango da larunbatean Usabal kiroldegian arratsaldeko lauetan. Garaipena lortuta, liga txapelketa eskuratuko du Laskorainek.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!