Orain ez bada gero, bihotzean
dagoena mihira jalgitzen da.
Sekretu edo arantza batek gordean
zenbat irauten du? Ezin jakin bada!
Baina zalantza izpirik gabe argira
aterako da, bihotzak eztanda
egiten baitu beti, su-distira,
mendretasunaren odola edanda.
Bihotzak, ukaldi, eta mihiak, hitz:
batek taupadaka agintzen duena,
besteak ozen azkar du betetzen.
Mihia prest dantzarako, hitz eta pitz;
bihotzak, berriz, ezin gorde dena...
Lanak dauzkagu, bai, isilik egoten!
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!