Eusko Jaurlaritza berritua dugu. Euskal Unibertsitatea ere martxan da eta normalizazio ordenatu eta berri baten oihua zabaldu nahiko nuke. Orain arte, eta batez ere, bai arlo politikoan eta ekonomikoan jendea nazkatuta egonda eta badago horrenbeste ustelkeriaz, kontu faltsuaz eta egiazaletasun faltaz…
Giza Eskubideetan oinarritutako bakearen eta normalizazioaren garaia etorri zaigu. ETAren bidegabekeria salatu beharra daukat, berdin ETA sostengatu eta justifikatu dutenei ere. Erraza da giza eskubideen alde zaudela esatea eta eskubide horien urraketa zehatzak ez gaitzestea, noski, faltsukeria hutsa dela. Gauza berdina esango nuke zigor-legeak leuntzearen kontra egotea eta poliziaren gehiegikeriak ukatzea… noski, guzti hau ez dela lagungarri gizarte harremanak baketu eta normalizatu daitezen. Horregatik ezin dut onartu Espainiako estatuaren zikoizkeria kartzela politikari begiratuz, ezta ere espetxeratuen sakabanaketa eta gizarteratzeari konponbidea jarri gabe.
Zer egin? Ez da erraza adieraztea, baina laburbilduz esango nuke: 1. Inor ez zapaldu inolako gogorkeriaz. 2.Giza Eskubideak errespetatu.3. Inor ez torturatu. 4. Komunikabideak ez manipulatu. 5. Gogorkeriaren aitzakian, ideiak ez gaitzetsi. 6. Lan duina eta indartze ekonomikoa sustatu. 7. Herri nortasuna zilegi bideratu eta errespetatu. 8. Pertsonaren duintasuna zaindu eta babestu.
Zerrenda osa daiteke. Jaurlaritza berria ere osatu da. Gustukoa izango litzake asmoetatik ekintzetara pasatzea. Ahalegin horretan bultzada ematen saia gaitezen. Bejondeigula!
Urtealdia bere amaierara iristen doakigu. Ez da urtearen balantzea, gainera ez naiz inor hori egiteko, baina bai esan nahiko nukeena hauxe da: elkarbizitza oso garrantzizkotzat jotzen dudala, bestalde gauza txiki eta xumeen bitartez eraikitzen dela, eta herriko eta herritarren harremanak estutu eta hurbilago egin beharrean garela.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!