Goizean, Sutarri dantza taldeko kideek emanaldia eskaini dute, txakolina dastatu eta sardina erreak jateko aukera zegoen bitartean. Ondoren, bazkaltzeko garaia heldu da. 30 pertsona inguru elkartu dira pilotaleku ondoko belardian egin duten paella jatean, ospakizun eta guzti, urtebetetzea ospatu duen ume bat ere izan baita tartean. Arratsaldeko 17:00etatik aurrera, haurren esku pilota eta pala txapelketako finalak ikusteko aukera izango da. Azkenik, iluntze aldera, zahagi ardoarekin agurtuko dituzte, datorren urtera arte, aurtengo festak.
Paellaren bueltan elkarturik
2017ko ira. 17a, 16:44
Gaur esango diete agur Alegiako Kalebeherako festei. Eguerdian, paella eta izozkia janez bazkaldu dute inguratu diren herritarrek, arratsaldeko pilota partidekin gozatu aurretik.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!