Partida hasteko 40 bat minutu falta zirela, aldageletarantz bidean gindoazen gure taldeko kapitaina komuneko sabaitik oso gertu, antsietate aurpegia zuela eta mugimendu traketsak burutuaz ikusi genuenean. Komunetik ezin atera geratu omen zen ate madarikatu baten erruz, eta bertatik ihes egin nahian zebilen. Komunetik atera ezinda, non eta Venta de Bañosen. Kar kar kar.
Partidari dagokionez, talde serioa zirudien aurkarienak. Partida hasteko ordubete falta zela beroketa lanak egiten, punta puntako materiala jokalarien eskura, prestatzaile ugari taldearentzat lanean, etab. Jokalariek ere planta oneko gizasemeak ziruditen, altuak, indartsuak eta azkarrak. Lehen bi laurdenetan, erasoko lanean fin aritu ginen bi taldeak eta nahiko paretsu amaitu zen lehen zatia. Hirugarren laurdenean ordea markagailuan alde egitea lortu genuen eta beraiek partida amaitzeko 4 minutu faltan berdinketa lortu bazuten ere, odola hotz mantenduta, garaipena Tolosara. Ttak.
Etxera itzuli aurretik, 15 ogitarteko 45 euro kobratu zizkiguten tabernan. Izugarrizko luxua! Autobusean denok lo, kapitaina izan ezik, traumatizatuta zen oraindik komuneko trantzea zela eta.
Hurrengo bat arte lagunak!