Zorionak antolatzaileei, herritarrei, tolosarrei, guzti-guztiei.
Tolosak argi adierazi du hori baina, eguneroko lana da, eta eutsi egin behar zaio. Baina aitortzekoa da, une jakin batzuetan kontzientziazioa piztearekin batera, indarberritu egiten dituela gogoak, eta arnasaldi berri bat eskaintzen.
Jarrai dezagun bidea, eusten, ematen eta zabaltzen. Oparitu dezagun euskara, gainerakoek ere aukera izan dezaten, gertuago senti dezaten. Euskararen eskualdea izan gaitezen, trebezia osoz, emanez, eutsiz, zabalduz. Euskaraz bizitzeko aukera gehiago zabaldu ditzagula gure egunerokoan.
Goitik estutzen gaituen geruza kendu, eta aire berria arnastu.
Izan gaitezen euskararen arnasgune!
Guraso eusleak, indar ufadak, irriak, barreak, pailazoak, umeak, gazteak, gazteagoak,... Guztiak batu zituen joan den larunbateko ekitaldiak, eta denek euskara arnastu zuten, eta aldarrikapena zabaldu lau haizetara.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!