Partaidetza prozesuez maiz hitz egin da azken urteotan, eta baita entzuteak eta adosteak duen garrantziaz ere, baina esate hutsak ez du balio. Entzun, aditu, ekarpenak egin eta adostu,... ariketa praktikoak, zuk eta nik, hark eta besteek,... Egunotan Tolosatzen inguruan ari da jendea, herritarrak gonbidaturik daude, parte hartzera.Tolosatzen tolosarrek egingo dute, eurek egingo diote Tolosari etorkizunean nahiko luketen herriaren argazkia. Eta eskertzekoa da, abagunea, tartea, aukera eskaintzea, baina ariketarako hitzordua eta lekua jartzea baino,… -tzen horren bueltan egindako ekarpenak kontuan izatea. Amarotz auzoa bera ere parte hartze prozesu batean murgildurik dago. Nork bere ekarpena egin dezake, eta baita orain artekoaz informazioa jaso ere.
Aspektu ez perfektua= -t(z)en
Aspektu hau bukatzeke dagoen ekintzari atxikiko zaio, beraz, prozesua martxan da, Tolosatzen ari gara, bidean, martxan. Herritik eta herriarentzat. Jarrai dezagun beraz, adosten, idazten, hitzartzen, pentsatzen, hausnartzen, entzuten, esaten, adierazten, erabakitzen,...Tolosatzen.
Adosten, idazten, hitzartzen, pentsatzen, hausnartzen, entzuten, esaten, adierazten,... Tolosatzen.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!