Sarri askotan, gizarte honetan, batak besteari leporatzen dizkio egin dituenak edo ez dituenak, baina Euskal Herriko historian orri berri bat ireki duen emakume honek ez du ez benetako abertzaleen miresmena baino piztuko, ezingo dio inork abertzaletasunaren inguruan inongo ikasgairik eman. Izan ere, zaila izango zen, baina argi zuen. Bere herriarentzat nahi ez zuena derrigorrez jarri baino lehen, nahiago kargua utzi. Hori da hori, inongo abertzalek ezingo du ukatu emakume jeltzale honen ausardia.
Auzitegi Gorenak berean darrai, inposizioak muturreraino eraman ditzake, eta zenbaitetan bestelako ekintzekin itzala eman nahiko dio baten batek bere herriko balkoian jarri duenari, Tolosan esaterako ikurrinari ez dakit nik zer omenaldi egin espainiarra jarri ondoren,...
Nik emakume abertzale honen eredu hau txalotzen dut, eta emakume jeltzale honek Euskal Herriko historian egin duen kapitulu bikaina gogoan izango dut, ez baita beste kasurik eman. EAJkoa delako izango da dena den, agian, zenbait prentsatan izan duen oihartzunik eza,… Nahiz euren buruan abertzaletzat izan, baina abertzaleen artean ekintzarik abertzaleena ez ote da Uriagereka anderearena? Historia idatzi duzu.
Honelako ereduak errepikatzea zoragarria litzateke, eta hala, Joseba Egibarrek esan bezala, arazoa ez da EAJrena izango, Espainiak izango du arazoa.
Eskerrik asko, Izaskun Uriagereka, eskerrik asko.
Emakume abertzalea historia idazten
2015ko mar. 8a, 12:22
Izaskun Uriagerekak (EAJ), Mungiako alkate zenak, trebezia, koherentzia, herriarekin konpromiso tinkoa erakutsi ditu. Adorea izan da erakutsi duena, indarra, kemena, eta abertzaletasuna.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!