Hamaika entzuteko jaioak gara.
Bai, lehenbizi informazio prozesu bat jarri behar da martxan. Beraz, ondoriozta daiteke zestoarrek galdeketa eskatzen badute ez dutela nahikoa informazio jaso? Ba eskatu omen dute, atera kontuak. Ondoriozta daiteke, horrenbestez, ezin dutela euren hautua botoz eman? Demokraziaren funtsetik urruti zein dago beraz, herritarrak, eurekin kontatu ez delako? Erraza da bai, gobernu bat kritikatzea, eta aurrekoan Donostiako alkateak ETB2ko saio batean esan zuen bezala, ez da beti erraza izaten erabakiak hartzea, sarri askotan zure benetako nahietatik zertxobait urrundu zaitzake egindako aukerak, baina gobernatu egin behar da. Horrek noski, kontraesanak sortzen ditu; herri galdeketaren inguruko zilegitasunaz aritzean, bai kulturala izango den ekimen batean lehendakari bat izendatzerakoan, bai kargu publiko baten aukeraketa frogarako hizkuntzari begirunerik ez jartzean. Hauek guztiak batzuek zein besteek ere egiten dute, antza.
Esan duenak esan duelako nago baina, aho zabalik.