Baina badago scouting horiek inoiz txibatuko ez dieten gauza bat: taldeak bere osotasunean eman dezakeena hain zuzen ere, hau da, taldearen indarra.
Batzuetan taldearen indarrak partidak galtzera ere eramaten gaitu, eta horrela gertatu zen lehen jardunaldian. Denak geunden etxean Ardoiren aurka garaipena eskuratzeko irrikaz, baina zazpi urtez gure taldekidea izan den Lakuni egindako omenaldiak despistatu egin gintuen… taldearen indarra kasu honetan ere, ordu txikitan.
Behin ospakizunak pasata eta asten zehar lan txukuna eginda joan ginen Errioxara bigarren jardunaldian. Arratsalde pasa polita izan zen Logroñon egin genuena, partida irabazi eta ondoren bertako gastronomiaz gozatuz, bokata batzuk jan eta autobusera berriz ere. Kantxan talde kontzentratua izan ginen eta horrela etorri zen lehen garaipena. Taldearen indarra.
Etxean garaipena lortzeko momentua iritsi zitzaigun hirugarren jardunaldian. Aurkaria Burgos, eta beraien entrenatzaileak horrela definitu gintuen: “son, como les llamo yo, la fuerza de la manada”. Lehenengo garaipena eskuratu genuen eta taldeko jokalari guztiek lortu genuen gutxienez saskiratze bat egitea. Taldearen indarra.