Zaleek Santurtziko portuaren edertasunaz gozatzen zuten bitartean, jokalariak partida prestatzeko azken xehetasunak ikusi genituen: Carvallo, Cabello eta Calbarro aurkariaren jokalari garrantzitsuenak. Partida gogorra izan zen hasieratik eta ezin izan genien eskaini garaipena zaleei. Agian ostiralean Mc Dolarrean afaldutako hanburgesek eragina izan zuten, baina dirudienez More ez zen asetu eta aurkari bati kozka egitea erabaki zuen; gaixoa, gosez geratzeaz gain, hortz gabe ere geratu zen.
Bizkaiko paraje ederrenetariko batean entrenatzaileek eramandako hamaiketakoaz gozatu genuen. Berriz ere autobusean sartu eta, oraingoan bai, zurrunka bat bestearen atzetik. Tolosara iristean, taldekide batzuk partidari buruz gogoeta egiteko elkartu ginen, tabernan: Espero dugu Morek larunbat gauean hortza burukoaren azpian jarri izana; ea Agirre edo Perez sagutxoak garaipen bat ekartzen digun hurrengo larunbatean. 1-2-3 TAKE!
Astean zehar lan txukuna egin ondoren larunbatean autobusa hartu genuen lehenengoz partida batera joateko; zale, jokalari eta entrenatzaileek motibazio film bat ikusteko aukera izan genuen, batzuk begiak itxi eta partidan kontzentratzeko aprobetxatu bazuten ere.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!