Ligaxka saioan elkarren aurka jokatu zutenean atzo aurrez aurrez izan ziren bi bikoteak, sekulako astindua eman zieten Maite Tolosari-eta atzo aurkari izan zituztenek, 22 eta 4 irabazi baitzieten. Atzo baina beste egun bat zen. Partida mota hau jokatzen dakiena da Maite, presioa ondo jasaten du eta erabakigarria izaten da hori finaletan. Aurreko partidan ez bezala, gainera, hasieratik amezketarrak atzelari gisara joka zezala erabaki zuten, pisua postu horretan jokatzen duenak eramaten baitu, eta hau are garrantzitsuagoa izan zen. Ondorioz, emaitza ezin hobea: aurreikuspenak eta pronostikoak hautsi, 22 eta 10 irabazi eta Gipuzkoako Emakume Pilotari Txapelketako txapela burura.
Bigarren partidan ere, lehen mailakoan, antzekoa gertatu zen: Patri Espinar eta Nora Mendizabal izan ziren ligaxkako onenak eta, horregatik, aldeko zituzten aurreikispenak. Baina finalean ezin izan zieten gaina hartu Arrieta eta Maddi Mendizabali. Arrieta du Maite Tolosak bikote jokatzen ari den Master Cup txapelketa entzutetsuan. Bihar, igandea, ekingo diote lehiari Deban. Jarrai dezala boladak!
Maite Tolosak Amezketara ekarri du Gipuzkoako Emakume Pilotari txapelketako bigarren mailako txapela. Atzo jokatu ziren Zestoan finalak eta 22-10 hartu zieten gaina Arraiza eta berak Barrocal eta Agirreri. Lehen mailan, Arrieta eta Maddi Mendizabalek irabazi zuten.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!