Altzo eta Bidania-Goiatzen arteko bueltako partidak larunbatean jokatuko dira Bidabiko frontoian. 18:00etan hasiko da pilota ekitaldia. Altzo ordezkatuz lehen jardunaldian aritu ziren berak arituko dira: Iker Zubeldia eta Pello Olano kadeteetan, Ander Zubeldia eta Enaitz Aizpitarte jubeniletan, eta Aitor Murua eta Unai Mujika nagusietan. Balantza oso bere aldera dute altzotarrek joanekoetan kadete eta jubenilertan nagusitasunez irabazita, 22-5 irabazi zituzten biak, baina fidakaitz joango dira Bidanira: frontoi berezia da Bidanikoa ere, motz antxa eta zoru oso lehunekoa, eta horren ezagutza aprobetxatu nahiko dute bidania-goiaztarrek. Argazkian, bi taldeek elkarturik ateratako argazkia.
Igandean, goizeko 11:00etan Usurbilgo Pagazpe Elkartearen aurkako izango dute gure mutilek. Azken orduko aldaketarik izan ezean, Usansolo kanporatu zutenek ordezkatuko dute berriro taldea: Zubeldia-Olano kadeteetan, Zubeldia-Aizpitarte jubeniletan, eta Artola-Irazustabarrena nagusietan. Pagazpe gaur egungo Pilota Elkarte indartsuenetakoa da, beraz, oso kanporaketa zaila daukagu jokatzeko. Pilotari bikainak dituzte maila guztietan, baina ez gara etsita joango. Aukera ona da goi-mailako sailekoekin aritzeko eta motibagarria aldi berean. Gauzak ondo bidean, lanak emango ditugu, batik bat kadete eta jubenil mailakoetan. Ez goaz etsita, ezta gutxiagorik ere!