Bost partida jokatu ziren, eta hauek izan ziren emaitzak:
Benjamin-aurrekoak: Uxue Alustiza eta Enaitz Galartzak 4 , Xabat Estevez eta Ator Karrerak 12
Benjaminak: Harkaitz Murua eta Hodei Goikoetxeak 12 , Oier Landa eta Oinatz Goñik 1
Alebinak: Ibiur Etxeberria eta Ander Balerdik 10 , Mikel Olano eta Ugaitz Mujikak 12
Infantilak: Sidihamed Brahim eta Amets Uzkudunek 10 , Unai Altuna eta Iker Muruak 12
Kadeteak: Ioritz Ugartemendia eta Iker Zubeldiak 12 , Eñaut Agirrezabala eta Pello Olanok 9
Betekada ederra hartu zuen Larrunarri frontoiak XV. Gabonetako Pilota Topaketa honen azken ekitaldia gauzatzeko. 16:00tan puntuan eman zitzaien hasiera partidei eta 19:00k aldera amaitu zen ekitaldia. Hotz egiten zuen Larrunarri frontoian, baina pilotariak arduratu ziren giroa berotzeaz. Behin eta berriz jarri zituzten ikusleak txaloka. Partidak amaituta, sari banaketa egin zen -Iñaki Artola eta Jokin Altuna bertan izatekoak ziren baina ASPACE-ren ekitaldi batera joan beharra izan zuten garai berean- eta partaide guztiek jaso zuten lehen egunean denekin ateratako argazkiarekin egindako egutegia eta gerriko parea (urdina eta gorria); finalistek, noski, sari berezi bana jaso zuten.
Sariak banatuta, merienda goxoa eskaini ziguten Amezketako Guraso Elkartekoek. Eta halaxe, elkarri urte zaharrari amaiera ona eta urte berriari hasiera hobea ematea opaz agurtu genuen aurtengoa, hurrengoaren zain!