Hamabost urtez jarraian antolatuko da topaketa hau. Abaltzisketa, Alegia, Altzo, Amezketa, Baliarrain, Bedaio, Ikaztegieta eta Orendaingo neska-mutilek parte har dezakete, eta Intxurre Pilota Elkarteak antolatzen du inguruko herrietako Guraso Elkarteen laguntzarekin. Helburua, pilotazaletasuna ereitea eta neska-mutilei egitea gustatzen zaiena egiteko aukera ematea.
Lehenik, gaur 15:30etan, Alegiako frontoian elkartuko dira partaide guztiak argazkia ateratzea; argazki honekin egindako egutegia banatuko zaie azken egunean guztiei beste origarritxo batekin. Argazkia aterata, txikienak Alegian bertan geratuko dira eta alebinak Altzora, infantilak Amezketara eta kadeteak Ikaztegietara joango dira elkarren arteko partidak jokatzera.
Pilota goxoekin arituko dira guztiak eta txapelketa egitura duenez topaketak, gaur eta bihar, asteartea, aipatutako frontoitan ligaxkak eta finalaurrekoak jokatuko dira. Abenduaren 30a izango da azken festa eguna, finalak, sari banaketak eta merienda egingo dena, Amezketan egingo da, 16:00tan hasita.
Argazkian duzue joan den urteko sarituen argazkia.