Igandean goizeko hamaiketan hasiko dira Lizarrako binakako txapelketako finalerdiak, eta bertan Intxurre pelota eskolako lau gaztek jokatuko dute jubenil mailan.
Lehenengo partidan Asier Artola amezketarra arituko da aurrelari moduan eta bere atzelari Aratz Irazustabarrena alegiarra izango da. Iruñea inguruko bikotea izango dute aurrez aurre Gil-Gaskue.
Gorka Altuna alegiarrak eta Enaitz Aizpitarte altzotarrak osatutakoa bigarrenean arituko da, eta hauek ere bikote naparra izango dute aurkari: Anso-Agirre.
Behin altura honetara iritsita ezin ukatu partida zailak izango direla biak ere. Baina badago aukera bat finala erabat Intxurrekoa izateko. Biak bidean geratzekoa ere bai.
Aratzek Errenterian abiatutako arrakastabideari jarraipena emateko aukera du Lizarran. Beste hirurek ere aukera ederra daukate daukaten taldentua, nadia dena, erakusteko.