Zegaman zuen finala Aratz Irazustabarrenak Añorgako Oliden pilotarien aurka. Gipuzkoako Udaberri saria zen, eta 22 eta 7 irabazi zuen alegiarrak. Horrela Aratzek iaz ere irabazi zuen txapelketa eskuratu du berriro aurten. Aipatzekoa ere bada denboraldi honetan Federazioak antolatzen dituen buruz-buruko bi txapelketak, frontoi osoan zein lau t`erdian, biak irabazi dituela Irazustabarrenak. Beraz, hiru jarraian.
Bergaran Intxurre taldeko beste alegiar batek zuen finaleko zita. Kasu honetan mendebaleko finala. Eta Julen Oiarbidek erraz atera zuen partida Zumarragako Beloki pilota taldeko Mendizabalen aurka. 22-1 erakusten zuen markagailuak partida bukaeran, eta nahikoa esaten du horrek.