Igandean, maiatzak 1, eguerdiko 12:00etan Udaberri Txapelketako finala jokatuko dute Naroa Olano altzotarrak eta Ainhoa Ontsalo alegiarrak, Alegiako Elorri frontoian.
Gartzia-Mujika bikote hernaniarra izango dute aurkari. Asteburuko Intxurreko pilotarien partida andanaren tartean, Naroak eta Ainhoak jokatuko dutena da nabarmendu beharrekoa. Beren ibilbidean, jubenil mailan jokatzen duten lehen finala da hau. Ligaxkan partida bakarra galduta sartu dira finalera, hain zuzen, gandeko aurkarien aurkakoa. Desberdinak dira partida guztiak. Ea Ainhoak atzeko koadroetan agindu eta Naroak erremateko aukerarik izaten duen! Ahalegindu eta, esan ohi den bezala, onenak irabaz dezala!
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
