Jon Luzuriaga eta Enaitz Aizpitarte bikoteak, Iker Arandia eta Aitor Murua bikotea izango dute aurkari datorren ostiralean Alegiako Elorri pilotalekuan.
Udaberri txapelketa jokatzen aritu dira azken hilabeteotan eta bi bikoteek semifinaletan elkarren aurka jokatzea ekarri du txapelketaren egiturak. Finaleko txartel bakarra dute jokoan eta horrek esan nahi du Intxurreko bat izango dela ziur finalean, baina ere berean biak ere ezingo dutela egon, bikote galtzaileak txapelketaren azkenaurreko pausuan geratu beharko baitu.
Bi atzelari altzotar izango ditu partidak. Aitor Murua eta Enaitz Aizpitarte. Bi lehengusuek elkarren aurka aritu beharko dute nor baino nor. Aitorrek alegiarra izango du laguntzaile aurreko kuadroetan. Iker Arandia, eta Enaitzek berriz ikaztegietarra. Jon Luzuriaga. Biak ezin aurrera pasa, baina egindako txapelketa onaren seinale izango da finalaurrekoetan jokatu ahal izatea.
Aurretik ordea, beste partida bat dago Alegian ostiralean. Arratsaldeko zazpietan hasiko den jaialdian, jubenil neskek izango dute lehenengo norgehiagoka. Gomazko paletan, Intxurreko Naroa Olanok eta Ainhoa Ontsalok, Astigarragako Mundarroko pilotariei gain hartzeko saiakera egingo dute.