Alebin eta infantilen partidak izango dira Alegiako Elorri frontoian, ostiralean arratsaldeko 19:00etatik aurrera.
Buruz burukoak dira, eta lehenengoan, alebin mailan, Egoi Irazustabarrenak Bergararra izango du aurkari. Jarraian datozen bi partidetan, Intxurreko pilotariek, Xabat Artola batetik eta Iker Zubeldia bestetik, Tolosakoak hartuko dituzte. Infantil mailakoak izango dira bi hauek.
Gabonetako XIV. Pilota-topaketa
Gabonetako oporretan jokatuko dira urtero bezala inguruko pilotarien arteko topaketak. Abenduan 27 eta 28 izango dira sailkapenak, eta finalak abenduaren 30ean, asteazkenez, Ikaztegietan.
Abaltzisketa, Alegia, Altzo, Amezketa, Baliarrain, Bedaio, Ikaztegieta, Orendain edo Ugarteko 6 eta 15 urte bitarteko neska mutilek, ari dira izen ematen. dagoeneko 94k eman dute izena eta antolatzaileek beste astebete luzatzea erabaki dute oraindik falta baita herriren bat bereak apuntatzeko.