Aratz Irazustabarrena alegiarra eta Ander Biain oñatiarra izango dira Alegiako frontoian bihar ostirala arratsaldeko zazpietatik aurrera Gipuzkoako finala jokatzeko.
Iaz ere, orduan kadete mailan, jokatu zuen Intxurreko pilotariak final hau eta ezin izan zuen txapela eskuratu. Aurtengoan azkeneko koxka hori pasa nahiko du Irazustabarrenak herrian jokatuko duen norgehiagokan.
Jubenil mailako lehen finala izango da hau buruz burukoa. Eta ondoren binakako partidua etorriko da. Bertan Pagazpe eta Gazteleku klubak izango dira aurrez aurre. Usurbilgo taldetik (Pagazpe) Exposito eta Arangurenek osatzen duten bikotea izango da seguruenik kantxan, eta Andoaingo Gaztelekutik Matxain eta Usandizaga.